Аудиторлар мен аудиторлық ұйымдардың азаматтық-құқықтық жауапкершілігін міндетті сақтандыру
25 маусым 2011 Оқу: 2 мин Қаралымдар: 2 786
Аудиторлық практика — өте нәзік әрі күрделі қызмет түрі. Қателіктерден ешкім сақтандырылмаған. Мұндай жағдайда Сіздің тарапыңызда болатын жалғыз серік — Сіздің сақтандыру компанияңыз.
Жауапкершілігіңізді сақтандыру саласындағы серіктестік туралы ұсынысымызды қабылдай отырып, Сіз кездейсоқ қолайсыздықтарыңызды шешуді біздің тұрақты міндетімізге айналдырасыз!
Қазақстанда 2003 жылдан бастап аудиторлық ұйымдардың жауапкершілігін сақтандыру Қазақстан Республикасының 2003 жылғы 13 маусымдағы N 440-II «Аудиторлық ұйымдардың азаматтық-құқықтық жауапкершілігін міндетті сақтандыру туралы» Заңы негізінде жүзеге асырылады.
Сақтандыруға не қабылданады?
Сақтандыруға Сіздің жауапкершілігіңіз және Қазақстан Республикасының азаматтық заңнамасында белгіленген, аудит жүргізу кезінде Сіздің клиенттеріңізге келтірілген мүліктік зиянды өтеу міндетімен байланысты мүліктік мүддеңіз қабылданады.
Сіздің жауапкершілігіңіз қандай сомаға сақтандырылады?
Сіздің жауапкершілігіңіз сақтандырылатын сома тараптардың келісімі бойынша белгіленеді, бірақ оның мөлшері 10 000 АЕК-тен кем болмауы тиіс.
Сақтандыру полисі қанша тұрады?
Сақтандыру сыйлықақысының мөлшері тараптардың келісімі бойынша белгіленеді, бірақ сақтандыру сомасының 4,5%-ынан аспауы тиіс.
Сақтандыру жағдайы орын алса, біздің компания қанша ақша төлейді?
Сақтандыру компаниясы сақтандыру төлемінің мөлшерін келтірілген зиянды өтеу туралы заңды күшіне енген сот шешімі негізінде Сіздің клиентіңіздің талап сомасына сүйене отырып, бірақ сақтандыру сомасынан аспайтын мөлшерде айқындайды.
