Қызметі үшінші тұлғаларға зиян келтіру қаупімен байланысты объектілер иелерінің азаматтық-құқықтық жауапкершілігін міндетті сақтандыру

Сақтандыру жағдайы деп үшінші тұлғалардың өміріне, денсаулығына және (немесе) мүлкіне зиян келтіруге әкеп соққан объектідегі авария фактісі танылады.

Жәбірленушілердің мүлкіне қатысты сақтандыру төлемі келтірілген зиянның мөлшері туралы деректер қамтылған аварияның себептерін тексеру актісі, сот шешімдері және басқа да материалдар негізінде Сақтандырушы немесе тәуелсіз сарапшы айқындаған келтірілген зиян мөлшерінде жүргізіледі. Жәбірленушілердің өмірі мен денсаулығына келтірілген зиян үшін төлем Заңда* белгіленген лимиттерге сүйене отырып есептеледі және келтірілген зиянның ауырлығына (қаза табу, мүгедектік дәрежесі немесе мүгедектік белгіленбей стационарлық емделу) байланысты болады.

Сақтандыру сомасының мөлшері

1. Объектілер иелерінің жауапкершілігін міндетті сақтандыру шарты бойынша сақтандыру сомасы тиісті қаржы жылына арналған республикалық бюджет туралы заңда белгіленген айлық есептік көрсеткіштің мынадай мөлшерін құрайды:

1) 600 мың – егер қауіпті өндірістік факторлардың зиянды әсері нәтижесінде жәбірленушілердің ең көп болуы мүмкін саны төрт мың адамнан асса;

2) 350 мың – егер қауіпті өндірістік факторлардың зиянды әсері нәтижесінде жәбірленушілердің ең көп болуы мүмкін саны екі мың адамнан асып, бірақ төрт мың адамнан аспаса;

3) 225 мың – егер қауіпті өндірістік факторлардың зиянды әсері нәтижесінде жәбірленушілердің ең көп болуы мүмкін саны бір жарым мың адамнан асып, бірақ екі мың адамнан аспаса;

4) 115 мың – егер қауіпті өндірістік факторлардың зиянды әсері нәтижесінде жәбірленушілердің ең көп болуы мүмкін саны жеті жүз елу адамнан асып, бірақ бір жарым мың адамнан аспаса;

5) 50 мың – егер қауіпті өндірістік факторлардың зиянды әсері нәтижесінде жәбірленушілердің ең көп болуы мүмкін саны үш жүз адамнан асып, бірақ жеті жүз елу адамнан аспаса;

6) 30 мың – егер қауіпті өндірістік факторлардың зиянды әсері нәтижесінде жәбірленушілердің ең көп болуы мүмкін саны жүз елу адамнан асып, бірақ үш жүз адамнан аспаса;

7) 12 мың – егер қауіпті өндірістік факторлардың зиянды әсері нәтижесінде жәбірленушілердің ең көп болуы мүмкін саны жетпіс бес адамнан асып, бірақ жүз елу адамнан аспаса;

8) 5 мың – егер қауіпті өндірістік факторлардың зиянды әсері нәтижесінде жәбірленушілердің ең көп болуы мүмкін саны он адамнан асып, бірақ жетпіс бес адамнан аспаса;

9) 1 мың – егер қауіпті өндірістік факторлардың зиянды әсері нәтижесінде жәбірленушілердің ең көп болуы мүмкін саны он адамға дейін болса, өзге де декларацияланатын қауіпті өндірістер үшін.

Сақтандыру тарифі: сақтандыру сомасының 0,72%-дан 2,02%-ға дейін.

Ескертпе: егер объектінің қызметі жоғарыда аталған бірнеше санатқа бірден сәйкес келсе, ең төменгі сақтандыру сомасының мөлшерін айқындау үшін санаттарда көрсетілген сомалардың ең жоғарысы пайдаланылады.

Қауіпті объектілер иелерінің жауапкершілігін сақтандыру Қазақстан Республикасының Азаматтық кодексіне сәйкес және «Қызметі үшінші тұлғаларға зиян келтіру қаупімен байланысты объектілер иелерінің азаматтық-құқықтық жауапкершілігін міндетті сақтандыру туралы» 07.07.2004 ж. № 580-II Қазақстан Республикасының Заңы негізінде жүзеге асырылады.